Klakki

Forstjóri Klakka lætur af störfum

12.11 2018

Magnús Sch. Thorsteinsson, forstjóri Klakka undanfarin sjö ár, hyggst láta af störfum forstjóra félagsins frá og með næstu áramótum. Magnús tilkynnti stjórn Klakka þetta nýverið og eru starfslokin í góðri sátt við stjórn og hluthafa félagsins.

„Ég lít ánægður um öxl og tel að starfsmenn geti verið stoltir af þeim árangri sem fyrirtækið hefur náð á undanförnum árum. Ég hef verið forstjóri félagsins í sjö ár og mér finnst vera kominn tími til að skipta um vettvang og snúa mér að nýjum verkefnum. Mikið hefur áunnist á undanförnum árum. Við höfum endurskipulagt, byggt upp og selt eignir og fengið mjög gott endurgjald fyrir þær. Ljóst er að afraksturinn er langt umfram þær heimtur sem gert var ráð fyrir í nauðasamningi félagsins árið 2010. Framundan er stefnumótun fyrir Lykil fjármögnun hf., en fyrir liggur endurskilgreina og efla enn frekar starfsemi félagsins áður en efnt verður til nýs söluferlis. Hefst sú vinna fljótlega og tel ég að farsælt sé að leiðir skilji að þeirri vinnu lokinni. 
 
Ég vil þakka bæði starfsfólki Klakka og öðru samstarfsfólki fyrir ánægjulegt samstarf.“

Stjórn Klakka þakkar Magnúsi góð störf í þágu félagsins undanfarin ár og óskar honum velfarnaðar í framtíðinni.


 

Til baka

Eldri tilkynningar